星期三, 7月 13, 2016

滑溜溜玫瑰花綠茶鉢仔糕

滑溜溜玫瑰花綠茶鉢仔糕
難度⭐️⭐️⭐️

今日同大家介紹中式甜品,細細個佢一定係你好朋友。大人小朋友都愛既鉢仔糕,綠茶味既鉢仔糕包你未食過。新式既食法配合懷舊既甜品,大家又係時候動動手試下做喇。我就用左可受熱既矽膠模具,又可以入焗爐。
玫瑰花做形相當可愛,見到都大增食慾。



材料1:粘米粉 110克
         栗粉  25克
         水  140ml
         綠茶粉 2湯匙
         綠豆/紅豆  80克
       
材料2:砂糖  150克(甜味可自行調較)
           水 300 ml
(可制作10-12個左右)

綠豆/紅豆 先用水浸一晚,然後大火隔蒸60分鐘,蒸至軟身。
蒸綠豆/紅豆其間可以先做材料1,所有粉類過篩。


加入140ml水拌勻,不再起粒,拌至滑身便可。

放適量綠豆/紅豆在矽膠內,滾起後蒸2分鐘。

材料2,300ml水煮滾,再加入砂糖150克煮溶。

趁熱倒進粉漿中,再立即拌勻。
倒進矽模中,大火蒸15-20分鐘。

放涼後脫模便可,大功告成,滑溜溜玫瑰花鉢仔糕。



tips:1)蒸完後模中間會有下凹狀態出現,屬正常情況。
2)一定要放涼先可以脫模,如唔係形態會唔靚嫁。

   
 迪芭blog.90後小煮婦facbook 專頁
喜歡我的分享歡迎比個like!

星期一, 7月 11, 2016

檸檬生熟意米水~排毒美顏

檸檬生熟意米水
難度⭐️



夏天既好朋友,唔鐘意飲水既你,你必定會愛上佢。
雪落雪櫃飲一流,夏天解渴小涼拌。

功效:排毒,美顏,去濕👍🏼
材料:生意米 一兩
            熟意米 一兩
            冰糖 適量
            檸檬  一個
            水   3公升


做法:首先開中大火煲滾水
然後洗乾淨d生熟意米(生意米煲前需浸30分鐘)
之後把生熟意米放哂落去,就ok喇。
轉細火煲60分鐘
最後15分鐘放冰糖,最後落檸檬煲多5分鐘,熄火焗15分鐘。

大功告成


呢個飲料冷熱都可以飲,意米檸檬都可以食用,我自己就鐘意煲完放涼後,雪入雪櫃。
凍飲係夏天透心涼,大人小朋友都可以飲用。你都快d試下煲黎飲喇😝

Tips:檸檬太早放落去煲,會令到味道帶苦。

迪芭facebook專頁
 喜歡我的分享歡迎比個like!

星期日, 7月 10, 2016

爆汁叉燒篇

今日同大家介紹爆汁叉燒,自己動手做。
自己動手做價錢又平,又放心。
屋企人都大讚好味過街外,一百分爆汁。
難度:⭐️⭐️

材料:

40蚊左右 梅頭肉/豬踭肉
兩湯匙 叉燒醬
半湯匙 玫瑰露
半湯匙 老抽
蜜糖 半湯匙

做法:

首先把豬肉洗後,用手抹紙巾抹乾。把豬肉打直切開一半,方便做出叉燒形狀,然後開始掩制兩湯匙 叉燒醬、半湯匙 玫瑰露、半湯匙 老抽,拌好就可以。
放進膠合/容器,放進雪櫃掩制1小時便可。

之後預熱焗爐220度,把豬肉放進焗爐用掃掃上蜜糖焗20分鐘,然後反另一面再焗10分鐘,同樣掃上蜜糖。

小tips☺️1)焗爐下面的盤子可放上錫紙,方便清洗。
2)蜜糖隨自己喜好掃上多少蜜糖。
3)我就喜歡用豬踭肉,吃的時候比較爽口還有小小肥肉,這都是個人喜好。
4)放進焗爐的位置最好是焗爐正中,這樣不會太容易焗燶。

希望大家鐘意我今日既分享喇


呢個係我Facebook專頁:
歡迎比個like!