油塘港鐵站A2出口步行15分鐘或油塘巴士總站乘14C小巴至鯉魚門避風塘碼頭(三家村）。
到達鯉魚門牌坊，避風塘迫滿哂小魚船，吹住海風真係好爽。
牌坊一直行入去到達海鮮街，小巷口縱橫交錯，好似迷宮咁。另外，會見到好多食海鮮既酒家，果日去到當然見到好多大大小小同巨型海鮮。
途中又會見到不同的小食店、海味店、住宅區等等⋯
終於黎到小燈塔好特別，好有懷舊氣色，好似人地拍電影既小沙灘咁。石灘上有好多小石頭玻璃碎，大家記住要著波鞋去，避免整親腳掌。石攤另一面，見到有大朋友小朋友一齊係到摸緊蜆，相當開心。
離開石攤，一直行到住宅區，沿路海風不斷送上，涼意送上舒服哂。途中一間小屋外牆壁畫係海底世界，仲有不少旅客上前影相，畫風好美。行多3分鐘就見到天后宮，穿過天后宮大門，左手面有幾級小梯級，再經過一些似是荒廢的小村落。（大家要注意小村落有不少流浪狗，但狗狗睇黎都見慣遊客，只是行黎行去，無敵意的感覺）
不要住衛奕信徑行
行多一段路
感覺自己走錯地方，但細心睇有一條勁窄既巷，真係唔係講笑，肥少少都唔知點過。細心一睇牆上有「矿」字指示，又看見有遊客係巷仔行出黎。
走過窄巷，踏上一段草路之後，又去到石灘，地方超美，係好靚呀。有人係到影婚紗相，有人係到釣魚，有人係到望海吹下水。
我覺得呢到風景真係一絕，石上面d水做成一個倒影咁好靚，藍天白雲風景怡人。
同我同行既陳生都話呢到風景好靚，一覽無遺，間唔中仲有d特色小魚船經過。
今日既行程都係突然咁出發，心血來潮想去郊外，鯉魚門石礦場真係唔錯。好多謝我身邊既陳生陪伴我去，佢平時好怕去郊區，又話又熱又曬，好似去攞苦黎辛咁。今次佢都話呢個地方唔錯，唔太熱，當然我去回程都已經係黃昏，最可惜係睇唔到日落，返出市區仲開始下大雨。
我的facebook專頁，歡迎大家follow!
迪芭·90後小煮婦FB Page
沒有留言:
發佈留言